ผู้เขียน หัวข้อ: ฮักผญา ฮักผญา.. เด้อค่ะ.. เด้อ...  (อ่าน 6641 ครั้ง)

0 สมาชิก และ 1 บุคคลทั่วไป กำลังดูหัวข้อนี้

ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows 7/Server 2008 R2 Windows 7/Server 2008 R2
  • Browser:
  • Chrome 26.0.1410.64 Chrome 26.0.1410.64
    • ดูรายละเอียด
    • Awards
ฮักผญา ฮักผญา.. เด้อค่ะ.. เด้อ...
« เมื่อ: พฤษภาคม 15, 2013, 07:17:45 pm »






ฮักผญา ฮักผญา.. เด้อค่ะ.. เด้อ...
ร่วม..สืบสานมรดกอีสาน



ดอกสะแบงบานเทิงต้น ดอกติ้วหม่นเทิงโพนเถียง
ฟังสำเนียงเสียงแคน กล่อมคูณอยู่เทิงต้น
คนเอ้ยคนผู้ไกลบ้าน แคนหวานหวานมาต้อนสู่
ฝากสำเนียงมากล่าวฮ้อง เป็นแฮงสู้ ต่อฝัน
ชาวอิสานทุกทุกท่าน สุขสำราญกันดีบ่
เสียงแคนน้อมาส่งให้ แรงใจเจ้า ผู้ซุคน พี่น้องเอย

>>>F/B สมาคมคนฮักผญา
บ่าวคนไกล ผญาหย่อย



อรุณสวัสดิ์ยามเช้า ชาวอิสานน้องพี่
อรุณนภาส่องซี้ เป็นศรีมื้อแจ่มใส
ดวงฤทัยใสแจ้ง แสงธรรมส่องทองประกาย
ถวายอาหารทำทาน ส่องบุญพุทโธเจ้า
นำฮอยเฮาอิสานบ้าน เพิ่นทำทานแต่ครั้งเก่า
ลูกหลานเฮาสืบต่อไว้ อย่าไลถิ่มหน่อพุทโธ

>>>F/B บ่าวคนไกล ผญาหย่อย/15 มีนาคม 56



สูริโยโผล่ฟ้า อรุณเบิกบายศรี
จิตคิดดีเป็นทาน ก่อเตาหุงต้ม
สั่งสมบุญหนุนไว้ เป็นทุนภายภาค
ยามได้มุดมอดเมื้ยน พอได้เพิ่งพา
ตายายพ้อม รอเพิ่งอาศัย
ผู้เพิ่นไปไลลา ได้อยู่กินทานเจ้า
มีเพียงข้าว ทำทานหนุนส่ง
จิตแจ่มแล้ว คือแก้วหน่วยมณี

>>>F/B บ่าวคนไกล ผญาหย่อย/15 มีนาคม 56



พี่น้องเอ้ยย…..
อรุณนภาฟ้ามืด เมฆาบังฝนตั้งท่า
คือสัญญาณบอกว่า คุณพระมาซ่อยค้ำ นำชี้มาส่องทาง
บ่าวคนไกล หน้าบ่ทันฮอดได้ล้าง คือมีลางมาบอกกล่าว
ให้ฟ้าวมาเร่งจ้าว อย่ามัวเศร่าเน่าใน
ออนไลน์มาเปิดได้ เห็นเพจใหม่มาเทียมสอง
เพจสมาคมกะมาฮอง อยู่สองมาเคียงซ้อน
ดีใจหลายจนกายฮ้อน คือดั่งพรพระธรรมส่ง
บุญทานทำมาส่งยู้ ให้ซูค้ำ ต่อผญา..ผูข่า เอย

>>>F/B บ่าวคนไกล ผญาหย่อย/16 มีนาคม 56



เอาศีลธรรมเคียนคล้อง ในใจหุ้มห่อ
สุขฤทัยแช่มช้อย มโนน้อยซุ่มเย็น
ฮอดวันพระละเว้น ความโลภโกรธหลง
ค่อยค่อยปลงละวาง ส่องทางพุทโธเจ้า
มโนเฮาสิสุขยิ่ง เป็นจริงคือคำว่า
สุขในโลกากว้าง สังสิสู่หน่วยฤทัย..ใสเลิงๆ เอย
//บ่าวคนไกล 10 เมษายน 56
>>> F/B สมาคมคนฮักผญา



สงกรานต์เนาว์เดือนห้า เมษากะใกล้ม่อ
ประเพณีเก่าบ้าน สรงน้ำให้ซุ่มเย็น
ตกยามแลงเย็นย่ำ สรงน้ำพระอารามหลวง
พ่อแม่เฮาพาทำ แต่เก่าหลังคราวกี้
ตกสมัยซุมื้อนี้ สิมีมาบ่น้อท่าน
สรงน้ำพระแบบเก่าบ้าน อีสานพุ้นแต่เก่ามา
ยุคสมัยมันก้าวหน้า แก้ผ้าแข่งโชว์องค์
นวลอนงค์บ่มามอง ส่องประเพณีบ้าน
สงกรานต์เนาว์เลยพานส่วย โชว์ความสวยขันแข่ง
สรงน้ำผู้เฒ่า บ่มาแงง พรเพิ่นจาว่าให้ สังสิได้ รับพร..นางเอย

>>> F/B ลำนำ อีสาน / 9 เมษายน 56



เกิดเป็นคนควรตอกย้ำ เซ้าค่ำให้มีศีล
ใจเป็นบุญสุนทาน ต่อคำพุทโธเจ้า
ความระกำเหงาเศร่า สิพาเฮาให้เห็นป่อง
ท่องทางธรรมละเว้น เข็ญฮ้ายให้หน่ายหนี
คนในโลกานี้ ย่อมมีทุกข์สุขผสม
เอาศีลธรรมมาประโลม ข่มใจให้หายฮ้อน
สิ่งบั่นทอนจิตใจฮ้าย สิหนีไกลหลีกห่าง
หันมาฟังธรรมมะเจ้า ลำนำเว่ากล่าวผญา พี่น้องเอย

>>>F/B บ่าวคนไกล ผญาหย่อย/15 มีนาคม 56



คุณข้าวแดงแกงฮ้อน โบราณเพิ่นสอนสั่ง
เพียงข้าวสุกหนึ่งครั้ง คุณยั้งค่าอนันต์
กินบนเรือนเพิ่นว่านั่น อย่าหาญขี่ใส่เทิงหลังคา
มันสิพาเฮาทุกข์ บาปเข็ญแม่เวรต้อง
ได้ซุกหัวนอนอยู่ในห่อง วังทองของขุนใหญ่
บ่ลืมบุญคุณระลึกไว้ สิใสเหลี่ยมฮ่อมเจริญ..ท่านเอย

//คนไค ไทสารคาม/6 พฤษภาคม 56



ฝนลงโฮยฮำพื้น ผืนนา เขียวชะอุ่ม
ดินอีสานเขตแล้ง ที่เคยแห่งกะเปลี่ยนสี
บรรดาพื้นพันธ์กะป่งชี้ แทงยอดออกใบ
พอได้เก็บเหน็บใน ใส่ดินไว้กินค้าง
ฝูงปูปลาเคยลาร้าง สัญจรจากหนองใหญ่
ออกหาไข่ใส่น้ำ ยามฝนล้น หลั่งลง
ฝนตกมาในนาห่ง บ่อึดกินในดินท่ง
แดนอีสานนี่ยังคง บ่อนดำรงชีวิตไว้ บ่อึดใช้ให้อยู่กิน..พี้แหล้ว

>>>F/B สมาคมคนฮักผญา/บ่าวคนไกล ผญาหย่อย



โอ้ย น้อ ว่าแม่เอ้ย
ว่าศรีๆ สู่ขวัญเอิ้น ทุกทางเดินที่ลูกหย่าง
เฮ็ดการใดที่ใจหวัง กะให้มาคูณมาค้ำ
สุดแผ่นดิน แผ่นน้ำ ที่เหยียบย่ำ ตามฮอยฝัน
อย่าให้มีภัยพาล พบสิ่งดีทุกแดนด้าว
ตะเว็นหนาว ดาวฮ้อน ความอาทร กะยังอุ่น
กะยังอุ่น เหมือนแววตา ดอกอาดูร
ส่องมองมา ทุกเส้นทาง ลูกจร
.. ..

ขอบคุณเพลง คิดฮอดฮักแท้ ของอ้ายไผ่เด้อจ้า


>>> F/B เสียงแคน ฟากท่ง/6 พฤษภาคม 56
>>> F/B Yanyong Pengchaimo




ผักสวนครัวรั้วกินได่ ปลูกใว่ขายพอได่อยู่
เก็บใว่เลี้ยงหลานคู่ ดูแลมาแต่น้อยน้อย
กำพลอยหล่าถ่าแม่มัน ไปหากินอยู่บ่อนบั้น
ทางเมืองไทห่างไกลถิ่น ทุกเซ่าแลงแฮ่งได่ยิน
อยากกินหนมจ่มทุกมื้อ พอได่ยื้อดอกอยู่นำ คำแพงเอ้ย

//Anchalita Siri-Arpa

« แก้ไขครั้งสุดท้าย: มิถุนายน 25, 2013, 01:53:43 pm โดย ฐิตา, เหตุผล: jpg »


~กัลยาณมิตรผู้ร่วมอนุโมทนาหรือขอบคุณ~


ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows 7/Server 2008 R2 Windows 7/Server 2008 R2
  • Browser:
  • Chrome 26.0.1410.64 Chrome 26.0.1410.64
    • ดูรายละเอียด
    • Awards
Re: ฮักผญา ฮักผญา.. เด้อค่ะ.. เด้อ...
« ตอบกลับ #1 เมื่อ: พฤษภาคม 15, 2013, 08:21:35 pm »
:14: กล่องไม่มา  :22:

https://www.facebook.com/video/embed?video_id=130046543826841

สมาคมคนฮักผญา
ดอกสะแบงบานเทิงต้น ดอกติ้วหม่นเทิงโพนเถียง
ฟังสำเนียงเสียงแคน กล่อมคูณอยู่เทิงต้น
คนเอ้ยคนผู้ไกลบ้าน แคนหวานหวานมาต้อนสู่
ฝากสำเนียงมากล่าวฮ้อง เป็นแฮงสู้ ต่อฝัน
ชาวอิสานทุกทุกท่าน สุขสำราญกันดีบ่
เสียงแคนน้อมาส่งให้ แรงใจเจ้า ผู้ซุคน พี่น้องเอย
//บ่าวคนไกล
************************************************


<a href="http://youtu.be/bNKW0LPiThc" target="_blank" class="aeva_link bbc_link new_win">http://youtu.be/bNKW0LPiThc</a>
ขุ่นลำโขง ม ร ว ถนัดศรี สวัสดิวัฒน์ rukchon Uploaded on Jul 12, 2010
ผู้ประพันธ์เพลงนี้ คือ อาจินต์ ปัญจพรรค์ ร่วมกับ ครูสง่า อารัมภีร์
ทำนองเพลงพื้นบ้านอีสาน และนำภาษาอีสานเข้ามาอยู่ในเพลงด้วย
เป็นเพลงชุดแนวทำนองพื้นเมืองอีสาน ที่แต่งออกมาพร้อมกัน 4 เพลง
คือ สาวตางาม, ขุ่นลำโขง, เว้าสาวอีสาน และแล้งในอก
ซึ่งท่วงทำนอง ก็คล้าย ๆ กัน


<a href="http://youtu.be/cHdcQ6JniFQ" target="_blank" class="aeva_link bbc_link new_win">http://youtu.be/cHdcQ6JniFQ</a>
เว้าสาวอีสาน ม ร ว ถนัดศรี สวัสดิวัฒน์


<a href="http://youtu.be/cPDxdDugXPA?list=RDcPDxdDugXPA" target="_blank" class="aeva_link bbc_link new_win">http://youtu.be/cPDxdDugXPA?list=RDcPDxdDugXPA</a>
แล้งในอก - ม.ร.ว. ถนัดศรี สวัสดิวัฒน์

ที่มา.. ทำนองเพลงแล้งในอก
...ทำนองลาวลำปางใหญ่ เคยถูกดัดแปลงให้เป็นเพลงลูกทุ่ง
เพลงหนุ่มนารอนาง (เมื่อถึงเดือนเมษา หนุ่มบ้านนานั่งฝัน....)เป็นที่นิยมมากเช่นกัน

ลาวพึมหรือลาวคลึง เรียกได้ทั้งสองชื่อ ก็เป็นเพลงลูกทุ่งอีกเพลง
ที่ขึ้นว่า ไปเถอะนะแม่ไป ไปเกี่ยวหญ้าไทรหญ้าปล้อง
ไปกันสองคนกับอี่น้อง ไปเกี่ยวหญ้าปล้องหญ้าไทร....

ทำนองลาวลำปางใหญ่และลำปางเล็ก ถ้าจำไม่ผิด เคยถูก quote
ในงานอัลบั้มศิลป์สายไทยของ อ.สหรัฐ
แต่เธอเรียกชื่อแตกต่างว่าลาวสเลียมเหนือสเลียมใต้ พิมพ์เป็นปกเทปด้วย
ซึ่งไม่ทราบสาเหตุการเรียกชื่อเช่นนั้น แต่ก็ไม่มีปรากฏว่าใครเรียกตามอีกต่อไป


http://x.thaikids.com/phpBB2/viewtopic.php?t=4690&sid=9c63f06554b1a76e3b151f18a399f280

หัวข้อ: เพลงไทยสากลทำนองไทยเดิม "ลาวคลึง"
http://saisampan.net/index.php?topic=58362.0


เนื้อเพลงลาวพรึม(เพลงไทยเดิม.. ชุดลาวลำปาง)
.. จากความทรงจำ...

ไปเถอะหนาแม่ไป ไปเกี่ยวหญ้าไซหญ้าปล้อง
ไปสองคนกับอี่น้อง ไปเกี่ยวหญ้าปล้องหญ้าไซ
เห็นหญ้าเขียวๆ อี่น้องเอาเคียวขึ้นยื้อ มาต๋ำลิ่มมือแม่นาง
จิ่ม.. ละเน้อ...

อู้กันคือกั๋น อันว่าเบื่อแล้วราว อี่น้องมาหรือเปล่า
พี่จะฮื่อรางวัล บ้านน้องอยู่แห่งไหน ไม่ไกลพี่จะติดตาม
รูปร่างสวยงาม รักเจ้าจึงตามติดมา ติดเนื้อต้องตาเสียนี่กระไร
จิ่ม.. ละเน้อ...

ฝนตกจุ๋ยๆ ยุยหมายุยเข้าเล้า อี่น้องได้เต่า ตัวพี่จะแก๋งแค
แก๋งใส่มะเขีย แกงใส่พริกแด้ มาแกงแคลำ มาน้ำเท่าจาง
จิ่ม.. ละเน้อ...
« แก้ไขครั้งสุดท้าย: กรกฎาคม 05, 2015, 12:39:30 pm โดย ฐิตา, เหตุผล: ลาวพรึม(เพลงไทยเดิม.. ชุดลาวลำปาง) »

~กัลยาณมิตรผู้ร่วมอนุโมทนาหรือขอบคุณ~


ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows 7/Server 2008 R2 Windows 7/Server 2008 R2
  • Browser:
  • Chrome 27.0.1453.94 Chrome 27.0.1453.94
    • ดูรายละเอียด
    • Awards


รอยเกวียนแห่งทุ่งกว้าง.........แดนไกล
บ่งบอกวิถีไทย...................ก่อนนั้น
ลำบากแต่สุขใจ..................ในถิ่น เกิดนา
วัยเด็กไร้ขีดขั้น...................แต่งแต้มเติมศรี

1 มีนาคม 2014 ·



เฮียบเฮียง ฮวมฮ่วมฮ้อม หอมห่อแฮงฮัก
เทียบเทียม ทุนถางทาง ท่อทืนท่อนท้าว
บุบืน บากบั่นบั้น บุบันบั้นบ่า
สรรสร้าง ส่งสู่เซ้า สืบซ้วนส่วนซู
หอมฮ่วมฮ้อม ฮอมห่อฮวมแฮง
กลมเกลียว เกี้ยวกลอนเกลา เก่ากาลก่อนกี้
ครอบคลุม คือคาวเค้า คาวคอยขานค่อง
ซ่อยซู เสริมส่งซ้วน สืบเซื้อส่วนแซง .....

คนฮักผญา..มูลมังอีสาน มรดกอีสาน
15 กันยายน 2014
..
..
ข้าจักกล่าวแถลงต้าน ขานเป็นคำให้ไหลหล่อง
ฟังเอาเด้อมวลพี่น้อง หากบ่คล่องโปรดอภัย
แนวฮักหลายผญาบ้าน อิสานเฮามาสืบฮ่วม
มาฮวมเป็นกลุ่มก้อน ซ่อยเก็บถ้อนจั่งยืนยัง
ด้วยใจหวังอยากสรรสร้าง นางจึ่งได้มาสานสื่อ
ถือเอาคำตามฮีตเค้า มาเหล่าเจ้าดอกสู่ฟัง
หากบ่หม่วนอภัยบ้าง อิดูนางด้วยยังอ่อน
หากลายกลอนยังบ่แจ้ง ก็แจงซี้ให้ป่องทาง..ซ่อยนางเด้อ...
3 ตุลาคม 2014 ·
..
..
เมื่อเหนื่อยล้าหมดแรงและสิ้นหวัง
หมดพลังจะเดินยังไม่ไหว
อยากมีใครสักคนที่เข้าใจ
คอยห่วงใยเข้าใจสิ่งที่เป็น

-29 ธันวาคม 2014
>> F/B คนฮักผญา..มูลมังอีสาน มรดกอีสาน
******************

ตื่นขึ้นมายามเซ้า ปัดกวาดสางสรง
เป็นประจำจนหลงลืม ว่าผ่านมาจักปีแล้ว
ร่างกายแนวบ่คงที่ ศรีวรรณเคยผุดผ่อง
ยัวระยาดย่างย้าย สองเท้าย่างบ่ไหว
จั่งได้หาเอาไม้ ค้ำย่างทางสิเดิน
เคยย่างเหินลอยลม แล่นตำนำทางพุ้น
กาลมันหมุนบ่หยุดยั้ง สังขารกะเลยเปลี่ยน
เวียนหมุนไป้บ่อยู่นิ่ง แนวสิเที่ยงแม่นบ่มี..พี่น้องเอย

//บ่าวคนไกล >>>F/B สมาคมคนฮักผญา




กายมันเฒ่า สังขารเฮามันบ่เที่ยง
มันโลดเงี่ยงซ้อยง้อย คือค้อยตะวัน ฝั่งของ
นี้ล่ะเด้อพี่น้องคือ เกิดแก่เจ็บตาย
มันสลายไปตาม  กฎไตรลักษณ์ธรรม  ให้จำไว้
ให้มีใจตรึกตรองถ้วนคิดประมวลให้ถ้วนถี่
ทำความดีเถิดพี่น้องจั่งมีหม่องป่องสิไป
เฮาจั่งได้ม่วนอุราเด้อลุงป้าแม่นคู่คน
เด้อซุมเจ้าแม่นสู่คน เด้อคนเอย


คำเตียง จารย์ครูพะนะ
>>>F/B สมาคมคนฮักผญา



Pics >> F/B คนฮักผญา..มูลมังอีสาน มรดกอีสาน

ได้กินหวานย่านลืมส่มลืมคนโจมอุ้มขึ้นอู่
ลืมกี่ปูปิ้งเขียดน้อยลืมจ้อยจ้ำแจ่วบอง
ลืมยามฟ้าสั่งฮ้องได้เคยท่องหาปลา
ลืมหัวนาเคยนอนยุเถียงหม่องเคยซ่น
ลืมกระโดนต้นน้อยผักแพวกินกับป่น
เคยงอยโพนแล่นลี้บ่มีเจ้าแม่ห่วงหา....หล่าเอ้ย

// สาวไทบ้าน
>>>F/B สมาคมคนฮักผญา
« แก้ไขครั้งสุดท้าย: มิถุนายน 19, 2015, 09:13:53 am โดย ฐิตา, เหตุผล: jpg.+ คำกลอน »

~กัลยาณมิตรผู้ร่วมอนุโมทนาหรือขอบคุณ~


ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows 7/Server 2008 R2 Windows 7/Server 2008 R2
  • Browser:
  • Chrome 31.0.1650.63 Chrome 31.0.1650.63
    • ดูรายละเอียด
    • Awards
Re: ฮักผญา ฮักผญา.. เด้อค่ะ.. เด้อ...
« ตอบกลับ #3 เมื่อ: มกราคม 15, 2014, 06:16:45 pm »

ภาพ :F/B คนฮัก ผญาหย่อย

นางเอ้ย
สังมาลืมแคมฮั้ว ผักสวนครัว อยู่หัวไฮ่
ปลาโตใหญ่เคยได้ป้อน ตอนลงฮื้อ หม่องฮ่อมสา
ผักคาดนาผักหมน้อย เจ้าเคยคอย เก็บมาอ่อม
ผักอีออมแกงหน่อไม้ ซายหาใว้ เจ้าใส่แกง
ตกยามแลงซายนอนกลุ้ม สุมในซวง เทิงเป็นป่วง
สังมาถ่วงบ่ถ่าวบ้าน เฮือนซานเค้า หม่องเก่าเดิม
ใจหมเหิ่มเป็นหนองผ่ำ จนมันหงำ จนมันเหน่า
ปลาโตใหญ่ลูกซายเจ้า ค่ำแลงเซ้าบ่คนิง บ้อน้อ ซู้พี่เอ่ย!!

//บ่าวใหญ่ ฅนไทภู




พี่น้องเอ้ย...
นับแต่มื่อสิเฒ่า กายาเฮามันบ่เคี๊ยม สาแล๊ว
เฒ่าถ่อได๋กะบ่แล้ว ยังสิเฒ่าอีกต่อไป
ลูกหลายคนแม่เลี้ยงไว่ บัดยามใหญ่ผั่นหนีป๋า
ฮอดบ่กลับคืนมา แนมไฮ่นา-สาโทจ้อย
ยินแต่เสียงอิ่นอ้อย ให่ปันมูลสาอิแม๊
ปากแปแปนั่นหละน่า เทียวคุมฆ่าให่แม่ปัน (มูล)
ผุฟังเอ๊ยคนอ่านเอ้ย...

8 มกราคม 2557
//น.นม บ่าวลำภู
สมาคมคนฮักผญา
ได้แชร์ รูปภาพ ของ Panomporn Khunthep




คำเอ้ย
คันได่ยินเสียงแคนจ้าว พ่อเคยเป่าไห่เจ้าฟัง
อย่าหันหลังไห่เอียงมา ฟังจักคราแหน่เด้อลูก
ผูกสนูใว้เทิงฟ้า มันยังคาอยู่หม่องเก่า คำเอ้ย
เสียงแคนพ่อที่เคยเป่า เจ้ายังว่าม่วนหลายแท้
ลูกแลจ้องพ่องเอียงฟัง ตอนนี้นางอยู่เมืองฟ้า
พ่อไถนา กับบักด่อน งวกหาเจ้า จนแฮงอ่อน
เสียงหว่อนหว่อน สนูฮ้าง แนมทางแล้วกะบ่มี
ยามแลงที ถือแคนจ้อ น้ำตาคลอ พ่อเป็นห่วง
คึดมาหลายสิบ้าป่วง สายแนนหน่วงคึดฮอดเจ้า
ยามกินข้าวฮ่ำคนิง น้ำตาย้อยฮ่ำคนิง ลูกพ่อเอ้ย

//ไผ่หวาน
— กับ สำนักธรรม สามเณรน้อยอามิตะพุทธ วัดป่าหนองด่าน




เสียงกริ๊งกรี๊งในถงส่ง จกมือคลำกำบ่ปล่อย
อีนางน้อยโทรสั่งใว้ ไห่หาไห่แหน่อยากกิน
ผักตำนินอยู่เลาะฮั้ว ไห่แม่คัวหาใว้แหน่ เด้อ
เทิงพ่องแย้กะปูพร้อม อ่อมปลาน้อยกะพ่องกัน
สาละวันหาขุดไหง้ ได่กะต่าเทิงพ่องเสียม
เทิงเตรียมโตสิลงหนอง หานำคลองซ่อนปลาน้อย
พวกซิวก้อยกุ้งฝอยไห่ มาไวไวแม่ถ่าอยู่ คำเอ้ย
น้ำตาตกลงหดหู่ ลูกบอกอยู่ต่อจ้อย งานข่อยมันบ่หยุด
นั่งลงทรุดเทิงขอนไม้ น้ำตาไหลพังลงหย่าว โอ๊ยนอ
คึดฮอดเจ้าจนลืมคราว บ่อยากซาวฮอดเข่าน้ำ
ยามนี้มีแต่รอ หลายปีแล้วที่แม่รอ น้อ ลูกแม่เอ้ย

//ไผ่หวาน
6 มกราคม 2557

สมาคมคนฮักผญา
ได้แชร์ รูปภาพ ของ ใบไผ่ เพจสืบฮอยตา ผญาอีสาน



ภาพ :F/B คนฮัก ผญาหย่อย

มาเทียวโกะโก่งต้อน บักทุยงอนบ่อยากหย่าง
ดึงสุดทางบ่อยากย้าย จักใจฮ้ายดอกอีหยัง
ฟังเสียงฮึยฮึยปั้ง ดึงจนหย่างสิบ่ไหว น้อน่อ
เป็นจั่งได๋น้อบักทุย หือหุนหวยบ่มีเอี้ยง บักทุยเอ้ย

@^^@
//ปูลม สุกฤตตา
สมาคมคนฮักผญา



เครดิตภาพ อ.คงฤทธิ์ หลาวทอง

คันเจ้าได้ขี่ซ้าง วาทค่องเมืองครอง
อย่าได้เหลิงในยศ ข่มเหงเสียงเฟ้ง
ควรสิดอมจิตตั้ง ศีลธรรมเพียรพ่ำ
เมืองสิสุขอยู่ล้วน ไทบ้านซื่นบาน

7 มกราคม 2557
บ่าวเมืองขอน

สมาคมคนฮักผญา
ได้แชร์ รูปภาพ ของ บ่าวเมืองขอน ออนซอนผญา




ลูกพ่อเอย...
เป็นเด็กดีเด้อลูกหล่า พ่อสิลาไกลบ้านก่อน
ให้เจ้าคำหนอค่าก้อน ฟังทางแม่ผู้เผิ่นสอน
อย่าดื้อเด้ออย่าแอ่วอ้อน ยามหลับนอนให้เว้าง่าย
พ่อฝากคำสัญญาไว้ สงกรานต์ใกล้สิอ่วยมา
สงกรานต์พุ้น สิต่าวมา ดอกเด้อ ลูกพ่อเอย...

5 มกราคม
ชาญ บาตดี
>>>F/B >> สมาคมคนฮักผญา

« แก้ไขครั้งสุดท้าย: มิถุนายน 19, 2015, 09:57:15 am โดย ฐิตา, เหตุผล: jpg. »

~กัลยาณมิตรผู้ร่วมอนุโมทนาหรือขอบคุณ~


ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows 7/Server 2008 R2 Windows 7/Server 2008 R2
  • Browser:
  • Chrome 31.0.1650.63 Chrome 31.0.1650.63
    • ดูรายละเอียด
    • Awards
Re: ฮักผญา ฮักผญา.. เด้อค่ะ.. เด้อ...
« ตอบกลับ #4 เมื่อ: มกราคม 15, 2014, 06:19:24 pm »



ในโลกนี้ไผผู้มีคำวาทวาจาสัจจ์ซื่อ
กะหากหายากแท้ปานเข็มน้อยในนที
ให้เฮามีคำเว้าวาจามั่นเที่ยงแน่เด้อ
ใจบ่ยังเที่ยงแท้อย่าขานข้อคำความ
ไผสิโสดาด้วยคำคนล่อหลอก
หลังบ่หวิดพุ่มไม้ตั๋วได้แม่นสู่ยาม



โยมเอ้ย...พุทธองค์เพิ่นทรงห้ามเว้นว่างทางบ่ดี
ให้เฮามีสัจจะวาจาวาทเว้า
คำความต้านแม่นจริงจังเอ่ยเด้อ
จังค่อยเผยออกเอื้อนให้คนฮู้ว่าจริง



..บ่ได้หลิ่งล่ำแย้มจับผิดไผเพิ่นดอกเด้อ
หากแต่เป็นคำสอนชินวรพุทโธวาท
เผยความในไขความเว้าวาทะธรรมคำเพิ่น
เอามาแจงแจกให้แจ้งจนเจ้าฮู้จริงพุ้นละเด้อ...โยมเอย

// อีสานเลาะโขงยามแลง พะนะ
>>>F/B >> สมาคมคนฮักผญา




บ่ได้หยุดบ่ได้ย่อ โอทีน้อบ่เคยจ่ม
เฮ็ดนำลมฝนฟ้า ทำนาสร่างถิ่นอิสาน
กายาก่ำดำด้าน เวียกงานเฮ็ดขันแข็ง
เอาแฮงกายแทนเงิน ส่งลูกให้วิดม้ม
มือเคยโจมมัดกล้า เฒ่ามาคือล้าหล่อย
คอยฮับแฮงจากลูกน้อย หัวใจข่อย...ยังคิดนำ แท้แหล่ว ลูกแม่เอ้ยย

/// บักหำหล่า คนบ้านนอก



ช่างหม้อตบตีหม้อกะหวังแต่ทรงงาม
บ่แม่นตีตามใจแตกทะลายโยนถิ่ม
อันครูอาจารย์ตีศิษย์เชื้อกะหวังผลเฮืองฮุ่ง
บ่แม่นตีมุ่งฮ้ายหมายให้เสื่อมทราม
ศิษย์ขอนำวันทานอบ อภิวาทเหนือเศียร
ที่ครูเพียรได้พร่ำสอนจั่งบ่อนเห็นทางแจ้ง
ขอแสดงวันทาน้อมตอบแทนให้สูงส่ง
อภิวาทกราบลงสองเบื้องบาทบ่อนเจ้า
คุณครูเจ้าทุกทุกคน...ที่สอนสร้างบ่ต่างฮอย...วันทาครูครับ

บักหำหล่า คนบ้านนอก
สมาคมคนฮักผญา
*******************



facebook.com/kruwandeedotcom

"ปาเจราจะริยา โหนติ คุณุตตะรานุสาสะกา
ปัญญาวุฑฒิกะเรเต เต ทินโนวาเท นะมามิหัง"

ขอยอกร
ประนมเบื้อง ผู้ปราชน์เปลื่องคอยสอนสั่ง
ลูกศิษย์จั่งระลึกฮู้ ผู้คอยยู้คอยส่งหนุน
เติมเป็นทุนใว้เสริมสร้าง แปงทางหย่างบ่ไห่ฮก
ลูกศิษย์ยกใว้เหนือเกล้า พระคุณเจ้าเหนือทดแทน

//Anchalita Siri-Arpa
>>>F/B >> สมาคมคนฮักผญา

« แก้ไขครั้งสุดท้าย: มกราคม 17, 2014, 03:55:35 pm โดย ฐิตา, เหตุผล: ภาพบทกวี "ไม้เรียว"ค่ะ »

~กัลยาณมิตรผู้ร่วมอนุโมทนาหรือขอบคุณ~


ออฟไลน์ ฐิตา

  • ทีมงานพัฒนาข้อมูล
  • ต้นสักทองเรืองรองฤทธิ์
  • *
  • แสงธรรมนำใจแสงธรรมนำใจ
  • กระทู้: 7457
  • กิจกรรม:
    0%
  • Country: th
  • พลังกัลยาณมิตร 2236
  • Awards ผู้เข้าใจธรรมชาติสรรพสิ่งสรรพชีวิต ผู้มีหัวใจอ่อนละไมดั่งเสียงดนตรีธรรม ผู้ที่หัวใจเขียนไว้ซึ่งธรรมะอันเป็นอกาลิโก ผู้อุทิศตนเพื่อเผยแพร่ธรรมะดั่งเข็มทิศนำธรรม ผู้ร้อยเรียงอักษรวาจาได้ไพเราะเสนาะธรรม ผู้ทรงความรู้ในหลักธรรมอย่างถ่องแท้ ผู้ส่งเสริมพระพุทธศาสนาด้วยจิตตั้งมั่น เชิดชูผู้โพสกระทู้ธรรมะ
  • OS:
  • Windows NT 6.3 Windows NT 6.3
  • Browser:
  • Chrome 31.0.1650.59 Chrome 31.0.1650.59
    • ดูรายละเอียด
    • Awards
Re: ฮักผญา ฮักผญา.. เด้อค่ะ.. เด้อ...
« ตอบกลับ #5 เมื่อ: มกราคม 01, 2016, 09:17:25 pm »


บ่มีไผสิทำให่ แม่น้ำใหญ่ไหลคืนกลับ
บ่มีไผสิหวนนับ เม็ดดินอยู่ภายพื้น
บ่มีไผสิฝืนได้ หลายปีบ่มีแก่
บ่มีไผเกินเก่งแท้ หนีม้มมฤตยู

บ่มีไผสิหวนฮู้ โตศัตรูคันบ่เบิ่ง
เกิดแก่ตายนั่นละเจ้า ศัตรูฮ้ายหมู่เฮา
อันความเกิดนั่นละเจ้า จัดเป็นหนึ่งในศัตรู
โพยภัยพิษมันติดมา ล้วนแต่เป็นศัตรูแท้

ทั้งความเจ็บความไข้ ความตายศัตรูใหญ่
บ่มีไผห้ามได้ ศัตรูฮ้ายฮู้ทั่วกัน
เหตุดั่งนั่น สมควรที่พิจารณา
ฮู้จักหาหนทาง ผ่านอบายไปเมืองฟ้า

ฮู้จักกาลทางหน่า ฮอดเวลาสิโค้งอ่วย
สิสวยรวยล้นฟ้า บ่หาญกล้าว่าสิกลาย
สู่ที่หมายคืนเค้า คือเก่าเคยเป็นมา
อนิจจังสังขารา จงหมั่นหาทำบุญไว้

เจริญ บุดดีเสาร์
๐๘/๑๒/๒๕๕๘



เดือนสิบเอ็ดสิบสองค้อยหัวลมวอยพัดหวี่
ฮอดเดือนเจียงเดือนญี่เคยนอนนาท่งบ้านมานานล้นจนใหญ่มา
ยามนอนนาเกี่ยวข้าวลมข้าวเบาหนาวมาผ่าน
เหลือเป็นเพียงตำนานทางอีสานตั้งแต่กี้เดียวนี้นั้นต่างหลัง

หวลคึดมาตั้งแต่ครั้งยังน้อยอ่อนไปโฮงเฮียน
หยุดการเรียนปิดเทอมได้ส่อยงานอยู่ทางบ้าน
ฝึกลูกหลานหัดเอาไว้ไปนอนนากับพ่อแม่
มันหากหม่วนคักแท้เดียวนี้ล้วนต่างหลัง

สะนูดังอยู่เทิงฟ้าสายลมพาเสียงญู่ส่ง
เสียงโหวดลงยามแกว่งขึ่นไปเทิงฟ้าถ่าอ่วยฟัง
ยินเสียงดังสาวตีข้าวลานน้าสาวฟ้าวไปส่อย
เดียวนี้มิดอ้อยซ้อยบ่คือเค้าเก่าหลัง

ฟังเสียงดังคนแซวท้วงลงโฮมลานตีข้าวส่อย
ซุมบ่าวสาวเด็กหนุ่มน้อยกะพลอยได้ส่อยงัน
ตีเฟืองกันโยนฟ่อนข้าวต้มไก่สาวเหล้าโทตื่ม
คนสังลืมสิ่งเหล่านี้บ่คือกี้เก่าหลัง

คนสังหลงอดีตครั้งครองเก่าเคยเป็นมา
เคยนอนนาเคยทาลานบ่กล่าวขานสังลืมสิ้น
เฮ็ดนากินบ่คืนเค้าวิถีเฮาบ่คือก่อน
เป็นตำนานให่กล่าวย้อนอาวรณ์โอ้โอ่บ่คืน...เดนอ


เจริญ บุดดีเสาร์
๑๖/๑๒/๒๕๕๘


นมัสการ-ขอขอบคุณภาพสวยๆจาก สิริธโรภิกขุ ภาวะนา

ให่ฮุ่งเฮืองเรืองรุ่ง เจิดจำรุงใสส่อง
มีแต่แนวถืกต้อง อย่าติดข่องได้ดั่งหมาย
ขอจงลุลาภได้ ในสิ่งสมประสงค์
หรือจำนงแนวใด ได้ดั่งใจแนวนั้น

ขอให่สุขขีหมั่น ในคืนวันที่ผันผ่าน
มีภัยพาลจงผาบแพ้ แวเลี้ยวผ่ายหนี
กายาดีบ่มีล้า มีเงินตราไหลโฮมอั่ง
สุขสมหวังสมมาตรแม้ง ทุกแลงเซ้าได้อยู่เย็น

หายทุกข์เข็ญเวรอย่าใกล้ ให่หนีไปไกลห่าง
ขออย่ามีอ้างว้าง หมองเศร่าเก่าศรี
คุณความดีเคยทำไว้ ขอจงเป็นปัจจัยนำคูณหนูนส่อย
บุญสมภารมีมากน้อย กะพลอยได้ตื่มเติม

มีจิตใจใฝ่เริ่ม เติมตื่มในความดี
ขอจงมีพลังใจ สู้ต่อไปอย่ามีท้อ
ขออย่างอมือเท้า งานหนักเบาอย่าไหวหวั่น
สู้เพื่อฝันอย่าย่นย้อ อย่ารอถ่าวาสนา...


เจริญ บุดดีเสาร์
๒๔/๑๒/๒๕๕๘
https://www.facebook.com/chareonjai

https://youtu.be/0-lbCOUNzuM
ใสว่าสิบ่ถิ่มกัน ก้อง ห้วยไร่ - มินเนี่ยน เวอร์ชั่น
« แก้ไขครั้งสุดท้าย: กุมภาพันธ์ 18, 2016, 06:48:24 pm โดย ฐิตา, เหตุผล: ใสว่าสิบ่ถิ่มกัน »

~กัลยาณมิตรผู้ร่วมอนุโมทนาหรือขอบคุณ~


 

+- ธาราธรรม สายธารแห่งธรรมะ (เว็บไซต์ส่งเสริมธรรมะส่งเสริมความดี)

พลังจิต | สุขใจ | ธรรมะวัดเกาะวาลุกาลาม | อกาลิโกโฮม | ลานธรรมเสวนา | Dhamma Media Channel |ศูนย์พิทักษ์พระพุทธศาสนาแห่งประเทศไทย | หลวงตามหาบัว | ธรรมจักร | mindcyber | แปดหมื่นสี่พัน.org | กัลยาณมิตร | มหาจุฬาลงกรณราชวิทยาลัย | มหาวิทยาลัยมหามกุฏราชวิทยาลัย | ประตูสู่ธรรม | บ้านธัมมะ | เว็บพระรัตนตรัย | คนดี | วัดป่ากรรมฐาน | คนเมืองบัว | พุทธาวุธ | หลวงพ่อ | พุทธภูมิ |ธรรมดี | ศาสนาที่พันทิพย์ | พระไทยเน็ต | ซีดีธรรมะ | วัดโพธิ์ | ธรรมสวนะ | ปฏิจจสมุปบาท | กุศล | หลวงปู่มั่น | dhamma.net | ดังตฤณ | dhamma4ever.com | ลานธรรมบัณฑิต | ฟังธรรม.com | ธรรมะไทย | บัวพ้นน้ำ |

Powered by Tairomdham